Tjetër mundësi, tjetër paraqitje e mirë për Edon Zhegrovën
Baseli e ka regjistruar fitoren e radhës në kuadër të javës së 14-t në Superligën zvicerane. Në udhëtim te Lugano, të besuarit e Marcel Koller kanë triumfuar me rezultat të pastër 3-0, raporton Gazeta Express.
Nga minuta e parë luajti edhe anësori i Kombëtares së Kosovës, Edon Zhegrova.
Dalëngadalë ai po merr besimin e trajnerit Koller. Zhegrova luajti 84 minuta, derisa u shqua për një paraqitje të mirë në fushë.
Nga ‘Sofa Score’, prishtinasi u vlerësua me notën 6.8.
Nga ana tjetër, sulmuesi tjetër nga Kosova Kemal Ademi, i cili shënoi edhe një gol sot, u vlerësua me notën 7.1.
Nga ana tjetër, mesfushori shqiptar Taulant Xhaka i cili luajti 74 minuta sot, u vlerësua me notën 6.5. /Gazeta Express/