Norwichi e merr vendimin final për Rashicën

PUBLIKUAR

Norwich City nuk arriti të mbijetojë në Premierligë dhe sezonin e ardhshëm do të garojë në Championshipin anglez.

Kjo nënkupton se yjet e klubit nuk do të qëndrojnë aty për të luajtur në një nivel më të ulët garash, shkruan “teamtalk.com”, përcjell “Gazeta Express”.

Rast konkret është edhe Milot Rashica, i cili pritet të largohet nga klubi verdh e gjelbër gjatë verës që vjen.

Dhe, mediumi anglez shkruan se Norwichi tash e tutje do të presë oferta për përfaqësuesin kosovar pasi ka vendosur përfundimisht ta shesë 25 vjeçarin.

Rashica i ka zhvilluar 28 ndeshje deri tash me klubin anglez dhe e ka realizuar vetëm një gol deri tash.

Ai ka kontratë me klubin deri në vitin 2025, por Norwichi do ta shesë ish-futbollistin e Werder Bremenit për të bërë sadopak para për ta tentuar rikthimin e menjëhershëm në Premierligë, shkruan “Gazeta Express”.

Rashica është blerje rekorde e Norwichit dhe ky klub do të mundohet të nxjerrë sa më shumë para nga shitja e futbollistit ofanziv.

Miloti ishte i pafat në dy sezonet e fundit pasi skuadrat ku luajti ai ranë nga liga, vjet Werderi e sivjet Norwichi. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...