Ish-çifti i njohur i showbizit kosovar, Robert Berisha dhe Nora Istrefi, po shijojnë pushimet dimërore bashkë me vajzën e tyre, Renee,.

Ata kanë ndarë pamje nga udhëtimi në Instastory, ku shihet se janë në të njëjtin vend, duke shijuar pamjen madhështore dhe momentet familjare së bashku.

Sipas mediave, ky udhëtim i përbashkët ka ardhur për shkak të vajzës, për të cilën ata vazhdojnë të ruajnë një marrëdhënie miqësore pas ndarjes.

Përmes kësaj, Robert dhe Nora japin shembull edhe për çifte të tjera se ndarja nuk duhet të pengojë bashkëpunimin dhe kujdesin për fëmijët.

Momente të tilla të përbashkëta janë komentuar gjerësisht nga fansat, të cilët kanë vlerësuar mënyrën e tyre të matur dhe të respektueshme ndaj familjes edhe pas përfundimit të martesës.