Arsenali nuk ka arritur më shumë se një barazim (1-1) kundër Norwich Cityt.

Pas humbjes kundër West Bromit, Topçinjtë nuk arritën të përgjigjen me fitore Manchester Cityt në rrugëtimin drejt titullit.

Të dy golat u shënuan në pjesën e parë, i pari erdhi nga Mesut Ozil në minutën e 30-të, pasi një asistimi të bukur nga Alexis Sanchez.

Kurse goli i barazimit nga vendasit erdhi me anë të Lewis Grabban në minutën e 43-të dhe kështu përfundoi dhe pjesa e parë.

Edhe në pjesën e dytë Arsenali ishte skuadra që kontrollonte lojën me mbajtën e topit, por rastet konkrete munguan nga të dy anët dhe ndeshja përfundoi me rezultatin e pjesës së parë.

Me këtë barazim Arsenali mban pozitën e katër me 27 pikë, kurse ndeshja e ardhshme e londinezëve do të jetë kundër Sunderlandit. /Telegrafi/