Drejtorët e rinj të emëruar në Komunën e Prizrenit nga kryetari Ramadan Muja, dega në Prizren e NISMA për Kosovën i sheh si freskim mafioz të qeverisë në Prizren. NISMA, duke nënkuptuar Kadri Veselin shpreh se këtë herë ndërhyrja e Shefit të shefit të shefave, ishte e drejtëpërdrejtë, pa patur nevojë të shkëmbehen biseda telefonike, shkruan Gazeta Express.

“Ndryshimet kozmetike që janë bërë në qeverinë komunale në Prizren nuk janë asgjë tjetër përveqëse një vazhdimësi e politikes korruptive dhe denigruese për qyetetin tonë. Shkarkimi i gjashtë drejtorëve me pretekstin se për dinamizim të punës është jo i qëndrushëm, sepse të gjithë këta janë nën hetime të organeve të drejtësisë për krim të organizuar dhe korrupcion dhe që i kanë sherbyer parapolitikes së PDK-së, e cila e ka pas edhe para këtyre, 5 drejtora të dënuar me burg në rastin e Ramadan Mujes.” thuhet në komunikatën e dërguar për media nga NISMA dega Prizren.

Më tej NISMA i bën thirrje Ramandan Mujës të japë dorëheqje duke theksuar “Para se ta shkarkoj dikend tjeter, është dashtë ta shkarkoj vetveten, në mënyrë që të mos mbahet peng perspektiva e e qytetarëve të Prizrenit, të cilët për vite të tëra po identifikohen si qytetar të një qyteti, ku kryetari është hajdut dhe i denuar nga drejtësia”./Gazeta Express