Fushata e korrje- shirjeve në komunën e Lipjanit ka filluar, edhe po vazhdon sipas planifikimeve të parapara, këtë e ka bërë të ditur sot, në mbledhjen e rregullt të KD, Feti Krasniqi, drejtori i Drejtorisë për Bujqësi, Pylltari dhe Zhvillim Rural.
Ai ka thënë se, procesi i kësaj fushate ka filluar dhe për këtë është formuar komisioni për monitorim.
“ Anëtarët e këtij komisioni vlerësues tash e tutje do të jenë vazhdimisht në terren, dhe do të përcjellin procesin deri në fund”, ka thënë drejtori Krasniqi.
Ndryshe, duke u bazuar në planin operativ të drejtorisë për Bujqësi, Pylltari dhe Zhvillim Rural në Komunën e Lipjanit, janë paraparë të korren 5000/ ha me grunaja, ndërkaq në fushatë janë angazhuar rreth 115 autokombajna dhe çmimi i korrje-shirjes është vendosur të jetë 100 euro/ha.
