Tjetër aksident me vdekje shënohet sot në akset nacionale.

Këtë herë në aksin Rrëshen-Kalimash. Automjeti tip Benz 270 me targa kosovare, UFP 442, doli nga rruga duke u përplasur me një trafikndarëse dhe duke shkaktuar vdekjen e 1 personi dhe plagosjen e dy të tjerëve.

Aksidenti mësohet se ndodhi mesditën e sotme në afërsi të tunelit të Kalimashit. Dyshohet se shkak mund të ketë qenë shpejtësia e madhe.

Policia thotë se nga aksidenti humbi jetën Iridon Fejza 21 vjeç, banues ne Mitrovicë si dhe janë plagosur rëndë Ardian Fejzq, 26 vjeç dhe Fidan Ismaili, 32 vjeç që të dy me banim në Mitrovicë, të cilët janë nisur për ndihmë mjekësore në spitalin Kukësit.

Të rinjte me makinë kishin zgjedhur Shqipërinë për të kaluar pushimet, informon gazetari ynë Elvis Hila.