Ish- sulmuesi i Juventusit, Vincenzo Iaquinta do të dalë në gjyq për lidhje të dyshuara me mafinë.
Ish fituesi i Kupës e Botës me Italinë është akuzuar për posedim të paligjshëm të armëve, sipas Deutsche Welle.
Ai flitet se ka ndihmuar organizatën kalabreze ‘Ndrageta’.
Avokati i Iaquintas, Carlo Taormina, zbuloi se edhe babai i lojtarit Giuseppe përballet me një akuzë më të rëndë për këtë shoqatë mafioze.
Më shumë se 140 njerëz do të dalin në gjyq për këtë rast. Gjykatësi Francesca Zavaglia tha se gjyqi do të fillojë më 23 mars.
Iaquinta nuk ka luajtur që nga viti 2012 asnjë ndeshje në Serie A. /Telegrafi/
