Neymari i ka nisur stërvitjet parasezonale me kampionin francez, një javë më vonë sec i kishte kërkuar Paris Saint-Germaini.
Derisa e ardhmja e tij mbetet shumë e paqartë, sulmuesi brazilian u rikthye të hënën në klub, ndërsa stërvitjen e parë me shokët e skuadrës e kreu të mërkurën, transmeton Gazeta Express.
I papërdorur në fitoren 6:1 ndaj Dinamo Dresden të martën, ai u stërvit normal si të gjithë lojtarët e tjerë të PSG-së një ditë më pas.
Edhe pse dëshira e tij e etshme është të largohet, Neymar do të udhëtojë me PSG-në drejt Kinës për turneun parasezonal.
Tani për tani, Neymar është lojtar i PSG-së, por askush nuk e di se edhe për sa gjatë. /Gazeta Express/