Portieri i Bayern Munichut, Manuel Neuer, thotë se ekipi i tij nuk është aq i mirë sa duket, pasi nuk arriti të mposhtë Borussia Munchengladbachun në Allianz Arena.

Dy gola nga Rafael, i pari i cili erdhi pas një gabimi të Neuer e lanë Baernin me gishta në gojë para tifozëve të vet, transmeton Telegrafi.

“Ne nuk krijuam raste të mira. Nuk ishte mjaft ajo që bëmë”.

“Gladbachu ishte shumë i mirë dhe u mbrojt mirë. Sigurisht se ne kemi dashur të bëjmë më mirë, pasi edhe lëshuam një rast sepse Wolfsburgu lëshoi pikë. Por kjo nuk do ta përkeqësojë disponimin tonë. Ne e dimë se çka duam për këtë sezon. Ne do të shikojmë tek e ardhmja dhe jemi optimist”, potencoi Neuer.