Presidentja e Kosovës, Atifete Jahjaga ka vendosur të shpallë nesër Ditë Zie, në shenjë solidarizimi me popullin francez pas sulmit të mbrëmshëm terrorist.

“Presidentja e Republikës së Kosovës, zonja Atifete Jahjaga, ka shpallur nesër dite zie në Kosovë, në nderim të viktimave të sulmeve terroriste të mbrëmshme në Paris dhe në solidarizim me popullin e Francës”, ka njoftuar Presidentja Jahjaga.

Me vendim të Presidentes Jahjaga, flamujt ulen në gjysmë shtizë në të gjitha objektet shtetërore të Republikës së Kosovës, brenda dhe jashtë vendit.