Nënkryetari Komunës së Lipjanit, Fauz Xhemajli ka pritur në takim shefin e zyres së Unicef Kosovo Programme Murat Sahin dhe publicistin Adriatik Kelmendi, i cili i është bashkuar kauzës së UNICEF-it për të promovuar të drejtat e fëmijëve në përgjithësi e veçanërisht të fëmijëve me aftësi të kufizuar, njofton Komuna.

Në takim u diskutua nevoja e gjithpërfshirjes së personave që jetojnë me aftësi të kufizuara, si dhe mos diskriminimit të tyre, temë e cila është ende evidente në Kosovë si në shumë vende të tjera.

Nënkryetari Xhemjali së bashku me përfaqësuesit e UNICEF u dakorduan që të jenë edhe më të përkushtuar që të vazhdojmë avokimin për gjithpërfshirje, qasje dhe jetë më të mirë dhe të barabartë për të gjithë fëmijët pa marrë parasysh gjendjen në të cilën jetojnë, thuhet në njoftim.