Nedim Bajrami ia ka siguruar Sassuolos fitoren ndaj Cremoneses, në ndeshjen e vlefshme për javën e 25-të në Serie A.

Ndeshja e zhvilluar në stadiumin “Mapei” përfundoi me rezultatin 3:2, shkruan Gazeta Express

Derisa ndeshja po shkonte drejt barazimit, në skenë u shfaq mesfushori shqiptar, Nedim Bajrami, i cili e realizoi golin e fitores në minutën e 92-të.

Reprezentuesi i Shqipërisë në këtë ndeshje hyri si zëvendësues në minutën e 68-të.

Armand Lauriente (26’) dhe Davide Frattesi (41’) shënuan dy golat e tjerë për vendasit.

Cyriel Dessers (62’, 83’) ishte autor i golave për mysafirët.

Sassuolo pas kësaj fitore ka 30 pikë dhe renditet në pozitën e 13-të, kurse Cremonese është e parafundit (19) me 12 pikë. /Gazeta Express/