Të udhëhequr nga Fikret Shatri bashkë me Ismet Ferati, Fisnik Juniku dhe Enver Dili janë katër basketbollistët që do ta përfaqësojnë Kosovën në turneun ndërkombëtar në streetball “Bucharest Challenger”, i cili zhvillohet më 26-27 korrik në kryeqytetin rumun.

Në turne do të marrin pjesë skuadra nga 16 shtete evropiane, ndërsa tri të parat e fitojnë të drejtë të paraqiten për “World Tour”, që mbahet në Stamboll. Skuadra Che Bar është kampione e Kosovës në streetball për edicionin e kaluar, ndërsa anëtarët e saj besojnë se edhe në arenën evropiane mund të arrijnë rezultate të mira.

Ismet Ferati në një intervistë për Arenën shprehet i kënaqur që do të jetë pjesë e grupit që për herë të parë do ta përfaqësojë Kosovën në këtë turne, ndërsa beson se nuk do të mungojnë as rezultatet.