Në Komisionin Ekzekutiv për Shëndetësi, eksperti gjerman prezantoi studimin për ShSKUK-në

PUBLIKUAR

Në mbledhjen e Komisionit Ekzekutiv për Shëndetësi, kryeministri Albin Kurti, i cili kryeson këtë komision theksoi edhe një herë rëndësinë e punës së përbashkët të Komisionit, për vlerësimin e kapaciteteve të nevojshme për transformimin dhe përmirësimin e cilësisë së shërbimeve shëndetësore për qytetarët e vendit.

Sipas njoftimit, në takimin e sotëm u prezantuan dhe diskutuan dy studime të fizibilitetit në sektorin e shëndetësisë.

Studimi i parë, për Spitalin e Prishtinës, ishte përgatitur nga ICME dhe u prezantua nga kryetari i Komunës së Prishtinës, Përparim Rama dhe zyrtarët e tij.

Ndërsa, studimi i dytë, për ShSKUK-në, u prezantua nga Thomas Ëeismann, ekspert gjerman për ekonominë shëndetësore, me titullin “Përmirësimi i infrastrukturës fizike të institucioneve të kujdesit shëndetësor sekondar dhe terciar”.

Kryeministri informoi Komisionin që në mbledhjen e djeshme të Qeverisë, është miratuar Udhëzimi Administrativ për licencim të profesionistëve të huaj shëndetësor.

“Miratimi i Udhëzimit do të ketë ndikim të drejtpërdrejtë në jetën dhe shëndetin e qytetarëve, duke plotësuar ofrimin e shërbimeve që mungojnë ose rrezikojnë të mos ofrohen. Po ashtu, ardhja e profesionistëve të mërgatës do të mundësojë trajnimin dhe aftësimin e profesionistëve vendas për të ofruar këto shërbime në të ardhmen”, tha ai.

Mirëpo, Kryeministri theksoi që Udhëzimi nuk mund të arrijë qëllimin e vet pa hapa konkretë, të shpejtë dhe të vazhdueshëm për të siguruar zbatimin e tij.

Andaj, anëtarët e Komisionit janë dakorduar që Ministria e Shëndetësisë dhe ShSKUK-ja të nisin menjëherë hapat e nevojshëm për të planifikuar sjelljen e sa më shumë të mjekëve specialistë nga mërgata për dhënie të shërbimeve dhe ofrim të trajnimeve.

Kurti ka thënë se jetësimi i kësaj iniciative është çështje urgjente dhe se çdo ditë vonesë është kohë e humbur.​ /Telegrafi/

LAJME TË TJERA

AGK dënon sulmin ndaj dy gazetarëve në Veri, kërkon siguri

Asociacioni i Gazetarëve të Kosovës (AGK), ka dënuar sulmin ndaj gazetarëve të Kallxo.com, në...

Messi nuk është duke e marrë në konsiderim kthimin në Barcelonë

Muajve të fundit ka pasur shumë thashetheme që argjentinasi dëshiron të kthehet në Kataloni,...

Gjashtë arsye se përse njerëzit inteligjentë nuk mund të jenë të lumtur

Personat me një nivel të lartë të inteligjencës mund të jenë më të suksesshëm...

Persona të maskuar sulmojnë dy gazetarë në Veri

Dy gazetarë kosovarë janë sulmuar në Veri, nga persona të maskuar. Sipas raportimit të kolegëve...

SHIKO MË SHUMË

AGK dënon sulmin ndaj dy gazetarëve në Veri, kërkon siguri

Asociacioni i Gazetarëve të Kosovës (AGK), ka dënuar sulmin ndaj gazetarëve të Kallxo.com, në...

Persona të maskuar sulmojnë dy gazetarë në Veri

Dy gazetarë kosovarë janë sulmuar në Veri, nga persona të maskuar. Sipas raportimit të kolegëve...

KQZ-ja publikon udhëzimet për ndërrimin e vendvotimit për zgjedhjet lokale në veri

Komisioni Qendror i Zgjedhjeve ju njofton se periudha për ndërrimin e Qendrës së Votimit,...