Këngëtarja shqiptare me famë botërore, Bebe Rexha, ka mahnitur sërish publikun me një paraqitje të veçantë – këtë herë në një dasmë luksoze në Kroaci.

Artistja e lindur në SHBA, por me rrënjë shqiptare, ka kaluar disa ditë në këtë vend piktoresk, duke shijuar bukuritë magjepsëse të bregdetit kroat dhe duke ndarë momente të paharrueshme me ndjekësit e saj në rrjete sociale.

Gjatë qëndrimit të saj, Bebe ka eksploruar vendet më të bukura dhe historike të bregdetit Adriatik, duke u frymëzuar nga arkitektura, natyra dhe kultura vendase. Por ajo që e bëri vërtetë të veçantë këtë udhëtim ishte pjesëmarrja e saj në një ceremoni martesore, ku u ftua për të performuar.

 

Me shumë emocion dhe energji pozitive, Bebe Rexha interpretoi këngën e saj të famshme “In the Name of Love”, duke e kthyer momentin në një kujtim të paharrueshëm për çiftin dhe të ftuarit.

Nëpërmjet një videoje të ndarë në rrjetet sociale, ajo shfaqi copëza të këtij momenti magjik.

“Performova në një dasmë të mrekullueshme në Kroaci. Urime çiftit të mrekullueshëm. Për të gjithë të tjerët, ju lutem mos ngurroni të më ftoni në cilëndo nga dasmat tuaja në destinacion”, shkroi artistja duke lënë të kuptohet se është gjithmonë e hapur për të qenë pjesë e gëzimeve të njerëzve, kudo në botë. /Telegrafi/