nteri ka siguruar sërish biletën për Champions League.
Mbrëmje magjike në “Giuseppe Meazza”. Interi ka siguruar biletën për Champions League pasi e mposhti me shumë vështirësi Empolin në ndeshjen e fundit në Serie A.
Skuadra e Luciano Spallettit fitoi 2-1 dhe shpëtoi falë edhe portierit, Samir Handanovic, që ishte në natën e tij, duke bërë pritje fantastike.
Zikaltrit kanë rrezikuar shumë në minutat e fundit të takimit dhe duhet të ndihen me shumë fat që ia dolën.
Pas ndeshjes, ka reaguar Spalletti: “Nuk prisja ta merrnim fitoren në këtë mënyrë. Ishte një ndeshje e bukur, por presioni ishte shumë i madh sepse je pjesë e një klubi që është mësuar të fitojë trofe”.
“Më vjen keq për Empolin pasi kam shumë miq aty, ata e meritonin qëndrimin në Serie A, por Inter nuk u dorëzua deri në sekondën e fundit. Gjatë shumicës së kohës kemi pasur ndeshjen në kontroll, por është normale që disa detaje ndryshojnë gjithçka”.
“Lamtumirë Inter? Jam i qetë. Te Juventus dyshuan te Allegri pas humbjes ndaj Ajax në Champions League. Megjithatë presidenti Agnelli doli në konferencën për shtyp një ditë më pas duke shprehur besimin e tij për trajnerin. Nga kjo sjellje duhet të mësojmë të gjithë. Kam vendin e punës që dua të kem dhe më trajtojnë ashtu siç dua të trajtohem. Jam i qetë”.
