20 tetor 2014- Kreu i Komunës së Lipjanit, Imri Ahmeti, së bashku me Nënkryetarin për Komunitete z. Sefër Tasholli, sot e ka pritur në takim shefin e misionit të UNHCR-së në Kosovë, z. Narasimha Rao.
Kryetari Ahmeti, e njoftoi shefin e UNHCR-së, Narasimha Rao, rreth zhvillimeve , arritjeve dhe punëve që po bën komuna e Lipjanit në përgjithësi. Ahmeti, po ashtu ka folur edhe për procesin e kthimit.
“ Sa i përket procesit të kthimit, jemi duke punuar në vazhdimësi, duke filluar nga Nënkryetari për Komunitete, Zyra për Komunitete ” tha Ahmeti, duke theksuar se,po punohet në vazhdimësi për t’iu krijuar gjithë qytetarëve të komunës së Lipjanit, kushte pa asnjë dallim.
Ndërsa, shefi i misionit të UNHCR-së në Kosovë, Narasimha Rao, është shprehur i kënaqur me pritjen e kryetari Ahmeti, dhe ka thënë se komuna e Lipjanit është nga të parat që ai viziton më të marrë detyrën e re. Po ashtu ai tha se, jam i njoftuar për aspektin e kthimit që po bën komuna e Lipjanit, dhe është shprehur i gatshëm për të bashkëpunuar edhe më tutje.
