Agjenti i Lorenzo Insigne thotë se ata duan të vazhdojnë ‘martesën’ me Napolin dhe pret më shumë takime me drejtuesit e klubit.

Mjedisi i Napolit është duke u tronditur shumë këto ditë pasi mediet po spekulojnë se Gonzalo Higuain mund të largohet për Juventusin.

Megjithatë, sulmuesi i tyre tjetër, ylli italian, Lorenzo Insigne duket të jetë i sigurt.

“Takimi ynë me Napolin ishte produktiv. Për rinovimin Lorenzos, kjo është një martesë që ne të dy duam të vazhdojë. Do të ketë takime të tjera”, tha agjenti Antonio Ottaiano për Radio Kiss Kiss, transmeton Telegrafi.

Kontrata aktuale e sulmuesit italian skadon në qershor të vitit 2019. /Telegrafi/