Pas paraqitjes së mirë ndaj Fiorentinës, Interi është mposhtur 3:0 nga Napoli, duke pësuar humbjen e gjashtë në 15 ndeshje deri më tani këtë edicion, shkruan Gazeta Express.

Zi Kaltrit e nisën shumë keq sfidën duke pranuar dy gola brenda pesë minutave, Piotr Zielinski dhe Marek Hamsik realizuan për 2:0.

Kur u mendua se në pjesën e dytë Interi do të bëjë diçka më shumë, erdhi edhe goli i tretë i vendasve. Lorenzo Insigne realizoi për 3:0 në minutën e 51’të të ndeshjes, që doli të ishte rezultati përfundimtarë.

Pas kësaj humbje, Inter mbetet në pozitën e tetë me 21 pikë, deri Napoli është ngjitur në pozitën e pestë me 28 pikë. /Express/