Mallorca edhe matematikisht e ka siguruar mbijetesën në La Liga.

Ekipi ku luan edhe Vedat Muriqi triumfoi minimalisht 1:0 ndaj Cadizit për ta siguruar mbetjen në elitë, katër xhiro para fundit të kampionatit.

Ishte goli i Maffeo ai i cili e vendosi fatin e këtij takimi, i shënuar në minutën e 16-të të ndeshjes, shkruan Gazeta Express.

Me këtë fitore, Mallorca shkon tani në kuotën e 44 pikëve në pozitën e 12-të, 10 larg zonës së rrezikshme.

Me 13 golat e tij, Vedat Muriqi ishte pa dyshim pika kyçe e këtij objektivi të arritur nga ekipi i Mallorcas.