Murati merr pjesë në takimet vjetore të FMN-së dhe Grupit të Bankës Botërore

PUBLIKUAR

Në kuadër të takimeve vjetore të Bankës Botërore, ministri i Financave, Punës dhe Transfereve, Hekuran Murati mbajti takim bilateral me zëvendës presidenten e Bankës Botërore për Evropë dhe Azi Qendrore, Anna Bjerde, me të cilën ka biseduar rreth gjendjes makrofiskale dhe konsolidimin fiskal në Kosovë.

Siç thuhet në një komunikatë për media, një theks i veçantë gjatë diskutimeve iu dha planit zhvillimor të Qeverisë së Kosovës, si dhe projekteve aktuale dhe të mundshme me Bankën Botërore mbi investime infrastrukturore që synojnë përmirësimin e jetës së qytetarëve të Republikës së Kosovës.

Grupi i Bankës Botërore konfirmoi mbështetjen e tyre për Qeverinë e Kosovës, ndërsa ministri Murati theksoi edhe njëherë rëndësinë e zbatimit të projekteve, ku ftoi Bankën që bashkërisht të punojnë drejt realizimit të tyre sipas afateve të caktuara në marrëveshjet financiare.

Për shkak të pandemisë, takimet vjetore mbahen kryesisht virtualisht, dhe mundësojnë diskutime mes Bordit të Guvernatorëve të Grupit të Bankës Botërore, FMN-së, bankat qendrore, ministrat e financave, sektorin privat, e shoqërinë civile mbi zhvillimet ekonomike, eliminimin e varfërisë etj.

SHIKO MË SHUMË

Hidhet koktej molotovi në një auto-sallon në Graçanicë, autorët largohen me motoçikletë

Një auto-sallon në Graçanicë ka qenë cak i një sulmi me koktej molotovi gjatë...

Hoti: Qeveria nuk mori masa kundër shtrenjtimit, bizneset me fatura trefish më të larta të energjisë

Deputeti nga Lidhja Demokratike e Kosovës, Avdullah Hoti, kritikon Qeverinë për mungesë të masave...

Zhduket një vajzë në Prizren

Një vajzë është zhdukur në Prizren, ka njoftuar Policia e Kosovës. Ngjarjen e raportoi në...