Mungesa e specialistëve nëpër spitale së shpejti mund të rezultojë me mbylljen e disa reparteve. Specialistët të cilët kanë kryer specializimet në spitale të përgjithshme nuk po pranojnë të kthehen të punojnë në to, shkruan sot gazeta “Zëri”.
Disa reparte të spitaleve në Kosovë po rrezikojnë të mbyllen për shkak të mungesës së specialistëve, të cilët nuk po pranojnë të punojnë në to. Kështu ka bërë të ditur për gazetën “Zëri” kryetari i Federatës Sindikale të Shëndetësisë në Kosovë, Blerim Syla. Ai ka kërkuar që shteti t’i kushtëzojë specialistët të kthehen dhe të punojnë në qytetet e tyre
“Kemi spitale regjionale, në të cilat rrezikohen të mbyllen disa reparte. Ka ankesa se ka mungesë të kuadrit në disa spitale. Askush nuk do ta lëshojë vendin e tij të punës dhe secili po shikon ku e ka më mirë. Kemi pasur rast kur në Spitalin e Mitrovicës janë dhënë 30 specializime, mirëpo asnjë nuk po kthehet aty. Unë mendoj që shteti duhet t’i kushtëzojë që specializimet t’i japin nga qendrat prej të cilave vijnë”, ka thënë ai.…..