Treshja ofensive e Barcelonës, Lionel Messi, Luis Suarez dhe Neymar, përbën sulmin më të mirë në histori të katalunasve – deklaron David Villa.

Golashënuesi më i mirë spanjoll e ka fituar La Ligan, Ligën e Kampionëve dhe Kupën e Botës për Klube, duke luajtur krahas Messit në ekipin e Pep Guardiolas në vitin 2011.

Po ashtu, duhet përmendur se pos Villas, superylli argjentinas ka luajtur në sulm edhe me lojtarë, si Thierry Henry dhe Samuel Eto’o.

Mirëpo, Villa thotë se partnerët aktualë – Messi, Suarez dhe Neymar, duhet të konsiderohen si më të mirët në historinë e Blaugranëve.

“Pa kurrfarë dyshimi, është treshja më e mirë në histori të Barcës. Padyshim më e mira”, citon Sport fjalët e Villas. /Telegrafi/