Jose Mourinho, trajneri i Chelseat ka thënë se penaltia e humbur në fillim të takimit i ka ndihmuar që të fitojë 4 me 0 ndaj Maccabi Tel Avivit.

Eden Hazard huqi penaltinë pas vetëm gjashtë minutave lojë në Stamford Bridge, para se Willian, Oscar Costa dhe Fabregas të siguronin fitoren e thellë të kampionit anglez.

“Ishte fitore e mirë, e patë që nga minuta e parë se do të fitonim. Humbja e penaltisë ishte mirë për të testuar skuadrën, duhet të ishim shumë të fortë për të besuar. E di se disa ekspertë thonë se Maccabi nuk është top skuadër, pajtohem, por ata janë në Ligën e Kampionëve dhe të fitosh ndaj tyre duhet të luash mirë dhe ne e bëmë”, ka thënë Mourinho për “BT Sport”. /Telegrafi/