Trajneri portugez Jose Mourinho dëshiron ta transferoj futbollistin kosovar, Xherdan Shaqiri tek skuadra e tij Chelsea. Kjo është skuadra e dytë angleze pas Liverpoolit, e cila është vënë në garë për shërbimet e Shaqirit. Si njofton fussball.ch, trajneri i londinezëve, Jose Mourinho, pëlqen aftësitë e sulmuesit të Bayern Munichut dhe do ta dëshironte atë në skuadër për stinorin e ri. Ndryshe, futbollisti nga Zhegra pati minutazh të limituar tek bavarezët në stinorin e kaluar, duke qenë nën hijen e yjeve si Arjen Robben, Franck Ribery e Mario Gotze. Por Shaqiri së fundmi pati një paraqitje shumë të mirë në kupën e botës duke shënuar 3 gola për Zvicrën në Brazili 2014.