Trajneri i Manchester United, Jose Mourinho, ka bërë të ditur se sa ishte pjesë e Real Madridit kishte kërkuar anësorin e “Djajve të Kuq”, Antonio Valencia, i cili tani po luan si mbrojtës i krahut të djathtë.

Por, portugezi thotë se përgjigje e klubit anglez ishte e prerë dhe se tani është i lumtur që e ka në “Old Trafford”.

“Kam tentuar ta transferojë Valencian shumë vite më parë, kur isha në Madrid”, tha fillimisht portugezi për MUTV.

“Edhe përkundër se ai atëherë nuk po luante si mbrojtës i djathtë, kam menduar se do të përshtatej për mrekulli në atë pozitë. Por, Unitedi tha se s’ka shanse”, shtoi portugezi.

“Nuk jam i surprizuar me formën e tij, pavarësisht lëndimeve. Ai i ofron shumë skuadrës në sulm”, përfundoi Mourinho. /Express/