Manchester Unitedi mund të humbë garën për shërbimet e Jose Mourinhos, nëse nuk vepron shpejtë – bën të ditur The Mirror.

Strategu portugez është pa punë pas shkarkimin nga Chelsea, ndërsa Djajtë e Kuq e kërkojnë atë së bashku me Real Madridin.

Dështimet e skuadrës në këtë sezon kanë bërë që drejtuesit e klubit të mendojnë për largimin e Louis van Gaal dhe zëvendësimin e tij me Mourinhon.

Porse as krerët e Los Blancos nuk janë të kënaqur me Rafa Benitez, prandaj duan ta kthejnë në Santiago Bernabeu ish-trajnerin e tyre.

Mbretërit tashmë i kanë bërë ofertë 52-vjeçarit dhe me hezitimin e Unitedit për të vepruar, gjasat janë të mëdha që ai të shkojë te Reali. /Telegrafi/