Përkundër faktit se dominon skajshëm me posedim të topit krahasuar me skuadrat tjera, Manchester City është ekipi me më së shumti kartona të verdhë deri tani në ligë.
Në total, “Citizens” kanë marrë 24 kartona të verdhë deri tani këtë sezon, transmeton Express.
Disa orë para derbit të Mançesterit, trajneri i Manchester United, Jose Mourinho ka thënë se lojtarët e Pep Guardiolës bëjnë faulle taktike në pjesën e fushës së kundërshtarit në mënyrë që t’i parandalojnë kundërsulmet.
“Kjo është strategji e tyre. Shumë herë ata kanë nevojë për faulle taktike, por i takon gjyqtarit ta analizojë këtë dhe vendosë”, ka thënë Mourinho.
