Milani pas fitores ndaj Chievos, me rezultat 3:1, ka kaluar rivalin e qytetit, Interin, në renditjen tabelore. Rossonerët janë në vendin e pestë me 50 pikë të tubuara, dy më shumë sesa Nerazzurët.

Por, Vincenzo Montella thotë se do të ishte qesharake sikur të mendonin vetëm që të dalin përpara Interit. Ai thotë se Rossonerët aspirojnë më shumë

“Unë nuk kam shikuar në renditjen. Është mirë për të fituar para se të tjerët të luajnë. Kjo do të jetë një e diel shumë e ëmbël duke parë se çfarë do të bëjnë ata”, ka deklaruar ai për Mediaset Premium

“Të jesh mbi Interin nuk është e rëndësishëm. Inter nuk janë rivali ynë i vetëm, ne duhet të synojmë për t’u kualifikuar për në Evropë. Unë nuk do të doja të jem para Interit e ta humbë Evropën “, ka theksuar ai. /Express/