Pas paraqitjeve jo të mira të Milanit në ndeshjet e fundit, kanë filluar edhe lajmet e para, të cilat shkruajnë se Vincenzo Montella mund të largohet në fund të edicionit.

Por, i këtij mendimi nuk është vet trajneri, i cili pas ndeshjes me Atalantan 1:1, tha se klubi ka besim në të.

“Ndjej se klubi ka besim në mua. Unë jam i kënaqur me paraqitjen e skuadrës ndaj Atalantas dhe këtu ka një projekt shumë serioz. Unë nuk shoh asnjë problem”, tha Montella.

Ai po ashtu goli edhe për ndeshjen ndaj Atlantas, ku tha se ishte një ndeshjes shumë e mirë dhe një pikë shumë e rëndësishme.

“Është pikë shumë e vlefshme, pasi të gjithë e dimë sa kanë vuajtur skuadrat tjera këtu. Ne duhet të fitojmë ndeshjet tona kundër Lazios dhe Fiorentinas për të siguruar një vend për garat evropiane”, vazhdoi ai.

Milan pas 36 javësh renditet në vendin e gjashtë, pozitë kjo që edicionin e ardhshëm dërgon në kualifikime për fazën e grupeve të Europa League. /Express/