Policia e Kosovës ka njoftuar se në raste të ndara, janë paraqitur në polici ankesa për kartëmonedha të falsifikuara në Prishtinë dhe Gjilan.

“Prishtinë, ankuesja femër, punëtore e një banke ka raportuar se nga e dyshuara femër K/Shqiptare ka pranuar një kartëmonedhë prej 50 euro që dyshohet të jetë e falsifikuar. Monedha e dyshuar është konfiskuar.

Gjilan, ankuesja femër, punëtore në filialet e një banke ka raportuar se gjatë deponimit të një shume parash nga i dyshuari mashkull ka pranuar një kartë-monedhë prej 200 euro që dyshohet të jetë e falsifikuar. Monedha e dyshuar është konfiskuar”, thuhet në raportin 24 orësh të policisë.