Gazetari i njohur bjellorus Pavel Sheremet, është vrarë në Kiev gjatë shpërthimit të një bombe që ishte vënë në veturën e tij.

Në internet është shfaqur një video që është regjistruar nga kamerat e sigurisë, ku shihet momenti kur shpërthen vetura e tij, transmeton Telegrafi.

Raportohet se vetura i përkiste Aljon Pritulës, pronarit të gazetës “Drejtësia e Ukrainës”, në të cilën kishte punuar Sheremet.

“Nuk ka dyshimet që bëhet fjalë për vrasje me bombë, që ishte instaluar në pjesën e poshtme të veturës”, kanë bërë të ditur autoritetet e sigurisë. /Telegrafi/