Luka Modric dhe Real Madrid kanë arritur një marrëveshje përfundimtare që kroati të vazhdojë në klub edhe për një sezon.
Standardi i paraqitjeve të tij gjatë gjithë sezonit ka qenë edhe një herë arsyeja kryesore që ish- fituesi i Topit të Artë të zgjasë qëndrimin e tij në Madrid.
Lexo Edhe:
Dëshira e drejtuesve të Real Madridit ishte e qartë dhe ishte vetëm çështje kohe. Të dyja palët donin të vazhdonin marrëveshjen dhe një bisedë e vetme ishte e mjaftueshme që Modric të përfundonte atë që do të jetë sezoni i tij i njëmbëdhjetë në klub.
Ashtu si me rinovimin e tij të fundit, marrëveshja e re do të jetë për një sezon, pa rritje apo ulje rroge.
Mesfushori nuk e ka mbyllur derën për të luajtur për më shumë sezone përtej sezonit të ardhshëm, siç e pranoi në ceremoninë e ndarjes së çmimeve MARCA Leyenda dy javë më parë.
Ideja që kanë në mendje drejtuesit e Real Madridit është që të gjejnë vend për kroatin brenda skuadrës, por për sa kohë që ai të vazhdojë të tregojë këtë nivel, vendi i tij do të jetë në fushë. /Gazeta Express/
