Modena ka rikthyer interesimin për mbrojtësin shqiptar, Andi Lila.
29-vjeçari ishte huazuar te Parma nga PAS Giannina në janarin e kaluar, por klubi italian ka falimentuar dhe kështu mbrojtësi i krahut është momentalisht pa ekip.
Gjithsesi, Modena ka kërkuar të mbyllë marrëveshjen në orët e fundit, por për shkak të situatës së komplikuar, ky transferim ende nuk ka marrë formë të prerë.
Agjenti i lojtarit është duke bërë përpjekje ta bindë federatën greke dhe italiane që lojtari të jetë edhe zyrtarisht i lirë, në mënyrë që ai të regjistrohet si lojtar i ekipit nga Serie B.
Situata e Lilës është një “terminologji legjislative” e vështirë, për të cilën duhet edhe pak kohë për t’u zgjidhur. /Telegrafi/