Kuvendi i Komunës së Lipjanit, sot në mbledhjen e rregullt me shumicen e votave të anëtarëve të Kuvendit ka miratuar buxhetin për vitin 2021.

Buxheti i propozuar nga Kryetari i Komunës së Lipjanit Imri Ahmeti dhe i cili u miratua me shumicën e votave të anëtarëve është 16 milionë e 719 mijë e 155 euro dhe është i shpërndarë sipas kategorive. Për paga dhe meditje 9,574,000,00 euro, për mallra dhe shërbime 1,700,000.00 euro, për shpenzime komunale 280 mijë euro, për subvencione 500 mijë dhe për investime kapitale 4,665,155.00 euro, njofton Komuna.

Me këtë rast Kryetari Imri Ahmeti, tha se është e pamundur që me këtë buxhet të përmbushen të gjitha kërkesat dhe nevojat e qytetarëve, mirëpo buxheti i prezantuar tani sipas Kryetarit Ahmeti është ndërtuar duke u bazuar në nevojat dhe kërkesat më më me prioritet për qytetarët lipjanas.