Ministria merr vendim për fillimin e hetimeve për importin e ëmbëlsirave e biskotave nga Serbia

PUBLIKUAR

Ministrja e Industrisë, Ndërmarrësisë dhe Tregtisë, Rozeta Hajdari, ka marrë vendim për hapjen e hetimeve zyrtare për importin e e produkteve konditorike.

Këto produkte përfshijnë ëmbëlsirat dhe biskotat e importuara nga Serbia, sipas kodit Neditarik HS1905.

Sipas saj, në këtëpërfshihen një gamë e gjerë të produkteve.

“Në mbështetje të nenit 92, për organizimin dhe funksionimin e administratës shtetërorë, miratohet rekomandimi i departamentit të tregtisë për hapjen e hetimeve zyrtare për importet e produkteve konditorike, ëmbëlsirave, biskotave të importuara nga Serbia”, tha ajo.

Tutje, ministrja Hajdari e ka arsyetuara këtë vendim që tha se po bëhen në mbrojtje të prodhuesve vendës.

“Pas konsultave me komisionin vlerësues të masave mbrojtëse në importe, inicion hetimin për importimin e produkteve konditorike, ëmbëlsirave e biskotave, ku në bazë të analizave preliminare produktet e importuara nga ky shtet janë në sasi të rritur dhe në kushte të tilla po shkaktojnë ose kërcënojnë t’i shkaktojnë dëm serioz prodhuesve vendës”.

“Gjatë nëntëmujorit të parë të këtij viti importi i këtyre produkteve përbën 29 për qind të importit total, krahasuar me periudhën e njëjtë të vitit të kaluar. Ndërsa eksporti i Kosovës në Serbi për të njëjtën periudhë kohore gjatë vitit 2020 dhe 2021, është vetëm 1 për qind nga eksporti total i këtyre produkteve nga Kosova”, tha ajo.

SHIKO MË SHUMË

QKUK paralajmëron rrënimin e objekteve pa leje në oborrin e saj: Hapësirat e uzurpuara me vite po u kthehen qytetarëve

Qendra Klinike Universitare e Kosovës ka paralajmëruar rrënimin e objekteve pa leje në oborrin...

Nën kërcënimin e thikës i mori 7660 euro punonjëses, aktakuzë ndaj një personi në Gjakovë

Prokuroria Themelore në Gjakovë ka ngritur aktakuzë ndaj të pandehurit me inicialet Ç.Zh. për...

Dëmet nga erërat e forta pezullojnë mësimin në gjimnazin e Ferizajt

Mësimi është pezulluar sot në Gjimnazin “Dr. Shaban Hashani” në Ferizaj, për shkak të...