Ministri i Punëve të Brendshme të Shqipërisë, Samir Tahiri i ka dërguar mesazh Ministrisë së Brendshme serbe, duke iu thënë se për sigurinë e jetës së lojtarëve të kombëtares shqiptare është përgjegjëse qeveria serbe.

Ministria e Punëve të Brendshme e Shqipërisë ka kontaktuar me zyrtarët më të lartë të Ministrisë së Brendshme serbe, të cilëve u është përcjellë mesazhi i ministrit Tahiri se “qeveria serbe mban përgjegjësi për sigurinë e jetës dhe shëndetit të lojtarëve dhe stafit teknik të kombëtares shqiptare të futbollit, ashtu si edhe për sigurinë e jetës së çdo mbështetësi dhe qytetari shqiptar në stadiumin e Beogradit”.

Ministri Tahiri kërkoi të merren urgjentisht të gjitha masat për të garantuar sigurinë e të gjithë shtetasve shqiptarë të pranishëm të stadium, raporton Top Channel.