Ministria e Financave dhe GIZ nënshkruajnë marrëveshje prej 11 milionë euro për ITP Prizren

Ministri i Financave, Punës dhe Transfereve Hekuran Murati dhe Drejtori i GIZ Kosova, David Oberhuber, si dhe menaxheri i projektit ITP Hans-Juergen Cassens kanë nënshkruar marrëveshjen e bashkëfinancimit për projektin “Parku i Inovacionit dhe Trajnimeve në Prizren”.

Kjo marrëveshje kap vlerën prej 11 milionë euro, prej të cilave kontributi financiar nga Qeveria e Kosovës është 6 milionë euro, kurse 5 milionë euro janë kontribut i Qeverisë Gjermane.

Parku ITP është një projekt i përbashkët kosovaro-gjerman që synon krijimin e një mjedisi inovativ biznesi për ndërmarrjet e vogla, të mesme dhe të mëdha (NVMM), i cili pritet të kontribuojë në zhvillimin e përgjithshëm ekonomik të Kosovës, thuhet në një komunikatë për media.

Ministri Murati vlerësoi lartë bashkëpunimin e vazhdueshëm me Qeverinë gjermane dhe theksoi rëndësinë e veçantë të ITP Prizren, si një projekt që paraqet mundësi të mirë zhvillimi për bizneset në vend. Tutje, ai u shpreh se ky projekt gjithashtu do të ndikojë ndjeshëm në hapjen e vendeve të reja të punës, pasi kontribuon në krijimin e sinergjisë midis sektorëve të ndryshëm që ndodhen në park.

Nga ana e tij, drejtori i GIZ Kosova, David Oberhuber, përshëndeti angazhimin e Qeverisë së Kosovës për financimin dhe realizimin e përbashkët të një projekti kaq të rëndësishëm. ITP Prizren aktualisht prezanton projektin kryesor të bashkëpunimit të Qeverisë gjermane me atë të Kosovës.

Parku i Inovacionit dhe Trajnimit Prizreni është lokacioni më unik në rajon për ndërmarrësi inovative, biznes dhe zhvillim të aftësive, i cili do të nxitë bashkëpunimin dhe zhvillimin e ekosistemit, duke krijuar lidhje midis sektorit publik, atij privat, institucioneve akademike dhe organizatave të shoqërisë civile.

Ministria e Financave dhe GIZ nënshkruajnë marrëveshje prej 11 milionë euro për ITP Prizren

SHIKO MË SHUMË

Arrestohet në rajonin e Gjilanit një shtetas gjerman, policia ia gjen 43 armë të gjata automatike në veturë

500 euro gjobë, pikë negative, konfiskim veture e ndalim vozitje- Policia ndëshkon tre shoferë në Ferizaj

Dhunohet një e mitur në Fushë Kosovë, dërgohet në strehimore

Rruga: "Haradin Bajrami" - Lipjan / 14000 Lipjan

LipjaniNews Medie SHPK i emërtuar LipjaniNews, është krijuar ekskluzivisht për ta informuar shpejt, drejtë, saktë dhe objektivisht lexuesin, kudo që ndodhet. Materialet dhe informacionet e natyrave të ndryshme nuk mund të shtypen apo kopjohen për qëllime përfitimi.

Aktivitet në ARBK

Statusi në ARBK: Regjistruar

© LIPJANINEWS:COM [email protected] /// +383 44 444 634