Milani në këtë sezon ka si objektiv rikthimin në Kupat e Europës, dhe ka nisur të lëvizë në këtë session të shit-blerjeve me qëllim gjetjen e lojtarëve cilësore, që mund ta ndihmojnë Vincezo Montellën në këtë rrugëtim.

Një prej emrave më të përmendur dhe që trajneri napoletan e vlerëson shumë është sulmuesi Lazios, Keita Balde.

Mediat italiane raportojnë se klubi kuqezi po përgatit një sulm vendimtar për ta afruar senegalezin në “Milanello”.

Sulmuesi 21-vjeçar nuk ka gjetur gjuhën e përbashkët me drejtuesit bardhekaltër për zgjatjen e kontratës që përfundon në verën e vitit 2018 dhe për këtë arsye duket se klubi nga kryeqyteti është gati të pranoj ofertën e Milanit, ofertë e cila konsiston në një huazim me detyrim blerjeje prej 20 milion eurosh.|

Presidenti i Lazios, Claudio Lottito në fakt pretendon 30 milion euro por besohet se gjithçka mund të mbyllet për më pak. /Telegrafi/