Pas turpërimit nga Lazio 4:1, Milani ka gjetur rrugën drejt fitoreve në Serie A, shkruan Gazeta Express.

Të besuarit e trajnerit, Vincenzo Montella, e mposhtën 2:1 Udinesen në “San Siro”, ku shkëlqeu sulmuesi kroat, Nikola Kalinic.

Ai shënoi dy golat për Kuqezinjtë (22’ dhe 31’), ndërsa për mysafirët realizoi Kevin Lasagna (28’).

Në këtë ndeshje u anuluan dy gola nga VAR (nga një secilës skuadër), për shkak të pozicioneve jashtë loje.

Pas kësaj fitore, Milani renditet në pozitën e katërt me nëntë pikë, tri më pak se Juventusi, Interi e Napoli. /Gazeta Express/