Skuadra italiane Milan, ka kryer përforcimet e duhura në fazën e sulmit, ndërsa prioritet tani është mbrojtja.
Sipas medieve italiane prioriteti kryesor për fazën defensive te Milani është mbrojtësi i talentuar italian, Alessio Romagnoli i cili aktivizohet te Roma.
Romagnoli ishte i huazuar nga Roma te Sampdoria, dhe është kërkesa kryesor e trajnerit të Milanit, Sinisa Mihajlovic që e kishte mbrojtësin nën urdhrat e tij edhe tek Samp.
Milan ka ofruar zyrtarisht 18 milionë euro, ofertë që pritet të rritet ndjeshëm pasi Roma ka bërë të qartë se nuk e largon lojtarin pa 30 milionë.
20-vjeçari kishte paraqitje fantastike me Sampdorian, dhe Roma deri më tani ka refuzuar për të Napolin, Sampdorian dhe Milanin.
Trajneri Rudi Garcia ka treguar se e ka në plane lojtarin, mirëpo një ofertë prej 30 milionë euro do t’i ndërronte mendjen Romës. /Telegrafi/
