Milan raportohet se kanë filluar bisedimet për një rinovim kontrate me mesfushorin Rade Krunic, për ta blinduar boshnjakun për disa vite
Kuqezinjtë kanë qenë të qetë gjatë këtij afati kalimtar, edhe pse kanë arritur që të sjellin dhe risjellin në skuadër disa emra si: Charles De Ketelaere, Divock Origi dhe Yacine Adli.
Derisa Milan ka qenë aktive në anën e brendshme ku ka arritur që t’i zgjasë kontratat me Fikayo Tomori dhe Tommaso Pobega që kanë nënshkruar rinovimet dhe disa lojtarë tjerë kyç do të marrin oferta për kontrata të reja së shpejti.
Siç raporton Corriere dello Sport, Paolo Maldini dhe Frederic Masara tani kanë në listë Krunic, kontrata e të cilit skadon më 2024. Milan ka filluar ta përpunojë kontratën e re për boshnjakun 28 vjeçar, i cili pati një rol kryesor në fitoren e kampionatit në Itali.
Kontrata të reja janë duke u punuar po ashtu edhe për Ismael Bennacer dhe Rafael Leao, edhe pse këto marrëveshje do të rinovohen më vonë, më shumë mundësi pas afatit kalimtar. /GazetaExpress/