Luis Enrique ka thënë se Lionel Messi nuk do të nxitohet që të kthehet nga lëndimi as për Barcelonën as për Argjentinën.
Messi është duke vuajtur nga një lëndim në gju, ndërsa pritet të mungoj edhe katër javë.
“Unë e dua atë që të rikthehet, por e dua të kthehet vetëm kur ai është i gatshëm. E dua kur është në 100% të formës”.
“Unë jam i sigurt që edhe Argjentina edhe Barcelona e duan rikthim e tij. Jam i bindur që edhe Tata Martino e dëshiron shërimin e tij të plot. Po flasim për atë që është më e mira për Messin”, ka thënë Enrique.
Sulmuesi argjentinas është duke i munguar shumë skuadrës së tij Barcelonës, pasi ka hasur në vështirësi, sikurse ka hasur në vështirësi edhe Argjentina pa të. /Telegrafi/
