Trajneri i Barcelonës, Luis Enrique, thotë se Lionel Messi vazhdon të mbetet në nivel më vete, përkundër humbjes së një penaltie në ndeshjen ndaj Levantes.
Argjentinasi asistoi në golin e parë të katalunasve (të realizuar nga Marc Bartra), e shënoi golin e tretë nga pika e bardhë, pastaj gjuajti mbi portë në një tjetër penalti, por në fund rregulloi gjithçka duke e vendosur rezultatin përfundimtar (4-1) ashtu si di vetëm ai.
“Fakti që humbi një penalti, prapë se prapë nuk e bën Messin njeri”.
“Ai shënoi dy herë dhe krijoi një gol tjetër. Ai nuk më duket aspak ‘njeri’”, ka deklaruar Enrique në konferencën për shtyp. /Telegrafi/