Mediat e huaja ditë më parë raportuan se tashmë kanë nisur kontaktet në mes të palëve
Ish-futbollisti i njohur anglez, David Beckham dëshiron ta sjell Lionel Messin në klubin e tij, Inter Miami, shkruan Gazeta Express.
Ditë më parë mediat e huaja raportuan se Beckham e ka dërguar drejtorin sportiv, Paul McDonough në Evropë për bisedime sekrete me babanë dhe menaxherin e futbollistit, Jorge Messi.
Mirëpo, Goal.com konfirmon se deri tash nuk ka pasur kontakte në mes të këtyre palëve për 32 vjeçarin.
Messi ka kontratë me Barcelonën, e cila synon t’ia vazhdojë atë.
Por, në klauzolën e kontratës së tij të fundit përmendet fakti se Messi tash e tutje mund të largohet kurdo nga Camp Nou.
Leo luan qe një jetë tek Barça dhe vështirë se mund të largohet prej aty.
Megjithatë, ai e ka pranuar se do të donte që karrierën ta mbyllë në klubin e tij të fëmijërisë, Newell’s Old Boys. /Gazeta Express/