Barcelona pa problem ka marrë pikët e plota në xhiron e 13 në La Liga.

Barça e mposhti 4-1 Celta Vigon, në një ndeshje ku shkëlqeu Lionel Messi.

32-vjeçari realizoi het-trik, duke shkuar në kuotën e 8 golave pas 7 ndeshjeve në La Liga.

Ai realizoi nga penalltia në minutën e 23-të dhe dy gola të bukur nga gjuajtja e lirë në minutat 45’ dhe 48’, kurse golin tjetër e shënoi Sergio Busquets, në minutën e 85’.

Golin e nderit për mysafirët e shënoi Lucas Olaza në minutën e 42-të.

Pas kësaj fitore, Barça ka rimarr kreun e tabelës në La Liga, duke shkuar në kuotën e 25 pikëve, aq sa Reali në pozitën e dytë, që ka gol-diferencë më të dobët. /Gazeta Express/