Juventus është i lidhur edhe me transferimin e një treshe të madhe, e që të tre janë klientë të Jorge Mendes
Bëhet fjalë për Ruben Neves, David de Gea dhe James Rodriguez, që janë lojtarë që menaxhohen nga superagjenti portugez.
Sipas Calciomercato.com, Juve nuk e ka diskutuar vetëm çështjen e Neves gjatë takimit të tyre me Mendes të mërkurën, pasi që superagjenti ia ka ofruar atyre edhe Jamesin dhe De Gean.
Faqja ka shpjeguar që një marrëveshje me yllin e Wolverhampton Wanderers është “e mundshme”, duke zgjedhur kështu problemet e bardhezinjve në mesfushë.
Megjithatë, ai mund të përcillet nga De Gea në verën e ardhshme pasi që kontrata e tij skadon në Manchester United.
Krejt në fund, Bayern Munich duket se nuk është i interesuar për ta shfrytëzuar opsionin për blerje të James në fund të sezonit, duke bërë që ai të lëvizë drejt Zonjës së Vjetër.
Juve trashmë ka në radhët e saj dy klientë të Mendes, Cristiano Ronaldon dhe Joao Cancelon. /GazetaExpress/