Mediumi i njohur: Rumania mund ta humb ndeshjen me Kosovën me rezultat zyrtar

PUBLIKUAR

Mediat e huaja i kanë dhënë jehonë të madhe ndeshjes së mbrëmshme me incidente, Rumani – Kosovë.

Ato i kanë dhënë theks të veçantë mbi të gjitha skandalit që ndodhi në fillim të lojës, ku tifozët rumunë e shfaqën parullën “Kosova është Serbi” dhe bënë thirrje “Serbia, Serbia”, pas së cilit u ndërpre loja për afro 50 minuta, për të vazhduar më pas kur u pastrua ajo pjesë e tribunës.

E sot, mediumi spanjoll “Mundo Deportivo” raporton se rumunët mund ta humbin ndeshjen me Kosovën me rezultat zyrtar, 0:2, ndonëse ajo më pas vazhdoi dhe u krye 2:0 për vendësit.

“Nëse jo këtë të mërkurë, atëherë në ditët në vijim UEFA do ta hapë një hetim të jashtëzakonshëm për incidentet që ndodhën mbrëmë në ndeshjen Rumani-Kosovë në Bukuresht”, shkruan mediumi spanjoll, duke paralajmëruar dënime të ashpra për Rumaninë pas incidentit që e shkaktuan huliganët e tigo-grupit rumun, “Uniti sub tricolor”.

“Mundo Deportivo” u thirr në nenin 11 të Kodit Disiplinor të UEFA-s, i cili thotë se “Federatat Kombëtare janë përgjegjëse për ndërprerjen dhe për braktisjen e fushës”, që nënkupton se në këtë rast mund ta pësojë Federata Rumune e Futbollit.

Neni 16 për rendin e sigurisë së UEFA-s e bën përgjegjëse Federatën organizatore për sjelljen e tifozëve të saj. /Gazeta Express/

 

 

SHIKO MË SHUMË

Nuk kishte ndodhur kurrë më parë, Barcelona me rekord fitimesh në El Clasico

Të dielën, Barcelona mposhti Real Madridin me rezultat 4:3 në El Clasicon e zhvilluar...

Bastoni falënderues ndaj bashkëlojtarëve, tregon respekt për Barcelonën dhe ‘përbindëshin’ Yamal

Alessandro Bastoni, përfaqësues i Italisë, ka ndarë një mesazh emocionues për tifozët dhe shokët...

Karateisti kosovar Islam Selmani më afër medaljes, shkon në gjysmëfinale të Evropianit

Kosova mund të kurorëzohet me medalje nga Kampionati Evropian i Karatesë. Karateisti kosovar, Islam Selmani...