Shumë shpejt, çdo shtëpi në Komunën e Lipjanit do të bëhet me numër identifikues, ka bërë të ditur Kryetari i Komunës z. Imri Ahmeti në njëren nga seancat e fundit të Kuvendit Komunal, duke theksuar se ky propozim do të realizohet, ngase tashmë numrat janë blerë dhe pritet vetëm vendosja e tyre nëpër shtëpi.
Propozimi për këtë iniciativë kishe ardhur muaj më parë nga asambleistja Linda Shahini, njëherit Kryesues e Grupit të Grave në Lipjan, duke kërkuar që çdo shtëpi në Komunën e Lipjanit të bëhet me numer identifikues, sepse kjo do të mundësonte specifikimin më të lehtë të adresave në Komunën e Lipjanit.